salaamun alaikum
dosto

taaza tarhi kalaam peshe khidmat hai

gar qubool uftad zahe....


arz kiya hai...


bataao kab kisee m'omin ne hai aaraam kiya
har aik saans ko hai pairawe islam kiya

mushkile.n jab bhi padee.n had se ziyaadah usper
shukr ka sajdah kiya sabr har ek gaam kiya

zulm jin logo.n ne usper they kiye barso.n se
unse insaaf kiya unko nah dushnaam kiya

rishtah gar tod gaya rooth ke apna koyee
usko manwa liya rishtey ko nah badnaam kiya

gar madad ho nah saki us se kisee insaa.n ki
jitni auqaat thi utna tau ihtimaam kiya

nafs ki chaal ne aur waswasa-e shaitaa.n ne
"dile deewaana ko sargushta-e auhaam kiya"

raho bedaar kahi.n loot nah le.n yeh haamid
nafse paakeezah ne har lamha yeh ilhaam kiya


nateejaye fikr
haamidbaaqri
al hamdulillah