aek bahut puraani ghazal. Abdullah Nazir.

[Abdullah Nazir]

MuHtaramaat o Muh\Htarameen
Arbaab-e-Mehfi aur aHbaab-e-sukhan,

Purkhuloos Tasleemaat, :rose

Apni aek bahut puraani ghazal lekar Haazir houaa hooN. Ummeed ke pasand aayegi.

G H A Z A L roman meiN

apni saansaoN meiN basaalooN tiri khushboo jaanaaN
Hou shab-e-vaSl jo mumkin kisi pehloo jaanaaN

Jaada-e-shauq meiN kiyuN dushman-e-jaaN hei dunaa
Kyaa mire karb se aagaah nahiN tuu jaanaaN

TooTkar dil, tire andaaz-e-taghaaful ke sabab
Micl-e-aayienah bikhar jaaye nah her soo jaanaaN

Khoobiy-e-Husn tiri vaSf se baahar hei magar
Kyaa kahuN, gar nah kahuN maiN tujhe mehroo jaanaaN

Koo-bakoo phirtaa hooN, maiN housh ganwaa baiThaa hooN
Chal gayaa jab se tire pyaar kaa jaadoo jaanaaN

Kabhi nazraoN se giraanaa kabhi apnaa kehnaa
Mujhko badnaam nah karde yeh tiri khoo jaanaaN

sharH-e-asraar-e-muHabbat kii zaroorat kyaa hei
ham samajh lenge ba-yak junbish-e-abroo jaanaaN

Sirf Nazir hii nahiN, maiN bhii tou ik insaaN hooN
Meri aankhaoN se bhii girjaate heiN aansoo jaanaaN.
=====

Aapka Mukhlis,
Nazir.

[najma]

JANAB A. NAZIR SAHIB!

AADAAB!!

ap ki ye Ghazal to hameiN bohat hi pasand aae.baRay umdahqafiye nikale haiN aap ne, kyahi umdah khayalaat haiN.

ek bohat hi mutarannum Ghazal, ji ka har she,r dil-kash hay, yaqeenan bhar-pur daad ki mustahiq hay.

bohat mubarak ho.

khair andesh

najma