محبت اس جہاں کی ہے ضرورت
Posted: Sat Jul 25, 2020 12:05 pm
قارئین کرام آداب عرض ہیں
ایک غزل 25 جولائی 2012 میں لکھی تھی آپ کی نذر
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھلے اک آسماں کی ہے ضرورت
زمیں پر آشیاں کی ہے ضرورت
محبت کر کے دیکھا تو یہ جانا
محبت اس جہاں کی ہے ضرورت
جو چاہو تم بھی میرے دل میں رہ لو
تمہیں بھی تو مکاں کی ہے ضرورت
مجھے اب ہمسفر اپنا بنا لو
تمہاری ایک ہاں کی ہے ضرورت
محبت کا حسیں تم اک ہو پیکر
تمہیں اک قدر داں کی ہے ضرورت
محبت کا کرو اظہار ہم سے
تمہیں اب جانِ جاں کی ہے ضرورت
کھلیں گر پھول الفت کے زمیں پر
ہمیں اک گلستاں کی ہے ضرورت
نہیں ہے اور حسرت دل میں کوئی
خیالؔ الفت جہاں کی ہے ضرورت
۔۔۔۔۔۔۔۔۔۔۔۔۔۔۔۔۔۔۔۔۔۔
طالبِ نظر
اسماعیل اعجاز خیالؔ