maiN taire Husn peh

[tahira Masood]

Azizan-e-meHfil

salaam-e-khuloos

Ramazan k mubarak mahinae meN apne parwadigaar k aHsaanat ko madd-e- nazar rakhte huay aik nazm manzoon ho gaee hai aap sab ki baSaartoN ki nazr kerti hoN. aaap ki aara ki muntazir rahoN gee
wassalam




MeN taire Husn per ae kaash ikk kitaab likhoN
baRe payaar se meN us k saare baab likhoN

Ilaahi mujh ko yeh taufeeq de keh maiN us meN
drwd taire Mohammad(s.a.w.w) peh be-Hisaab likhoN

maiN HairtoN k smander meN Doob jaati hoN
inaaytoN kaa tairee jab bhee intesaab likhoN

mairee khataaeiN aur us per inaayteN tairee
maiN kis teraH teri Rehamat ka kuch Hisaab likhoN?

zamanah bhaTkaa hi rehtaa hameshah Zulmat meN
nah bhejta tuu hidaayt kaa aftaab likhoN

Canaa kaa haq adaa karnaa tau nahiN mumkin
go lafz lafz Canaa kaa meN baab baab likhoN

kehaaN se laaoN woh qlb-e-Safaa wog beenaa'ee
nigaaheiN kheerah hoN jab bhee woh aab-o-taab likhoN

[Abdullah Nazir]

MuHtaramah
Taahira Masood SaaHibah,

Aapki mandarja-e-zeil ghazal nazar navaaz houi. Is maqbool aur achchi kaavish per meri dili daad aur mubaarakbaad qubool farmaayiye.

MeN taire Husn per ae kaash ikk kitaab likhoN
baRe payaar se meN us k saare baab likhoN

Ilaahi mujh ko yeh taufeeq de keh maiN us meN
drwd taire Mohammad(s.a.w.w) peh be-Hisaab likhoN

maiN HairtoN k smander meN Doob jaati hoN
inaaytoN kaa tairee jab bhee intesaab likhoN

mairee khataaeiN aur us per inaayteN tairee
maiN kis teraH teri Rehamat ka kuch Hisaab likhoN?

zamanah bhaTkaa hi rehtaa hameshah Zulmat meN
nah bhejta tuu hidaayt kaa aftaab likhoN

Canaa kaa haq adaa karnaa tau nahiN mumkin
go lafz lafz Canaa kaa meN baab baab likhoN

kehaaN se laaoN woh qlb-e-Safaa wog beenaa'ee
nigaaheiN kheerah hoN jab bhee woh aab-o-taab likhoN


Aapka MukhliS,
Nazir.[/i]

[tahira Masood]

MuHtaramah
Taahira Masood SaaHibah,

Aapki mandarja-e-zeil ghazal nazar navaaz houi. Is maqbool aur achchi kaavish per meri dili daad aur mubaarakbaad qubool farmaayiye.

aapka MukhliS,
Nazir.[/i]

moHteram mukarram Nazir Saheb

salam-e-khuloos

aap k es ikhlaas k liye mamnoon hoN. HuaSlah afza'ee kaa beHad shukeriyah.

wassalam