salaamun alaikum
dosto

aik aur tarhi kalaam peshe khidmat hai


gar qubool uftad zahe.........

arz kiya hai.......

"ek sada aarahi hai kaano.n mei.n"
fikre shaitaan hai udaano.n mei.n

aaj nafrat hai khaandaano.n mei.n
aag kyu.n lag gayee makaano.n mei.n

bhai bhai ka hai banaa dushman
'umr kat'tee hai ab chataano.n mei.n

log jo kehtay hai.n woh karte nahi.n
hoga kaisay acar zabaano.n mei.n

fikr o ehsaas hai nah jazbah hai
zindah rehna hai murdah khaano.n mei.n

josh aur hosh dono.n kho baithay
kya bacha hai bhala jawaano.n mei.n

jaana firdaus hai agar haamid
baant'ta pyaar chal jahaa.no.n mei.n

nateejaye fikr
haamidbaaqri
al hamdulillah

WEBMASTER wrote:
MuHtarami
Haamid Baaqri SaaHib,

PurkhulooS Tasleemaat,

Aapki mandarja-e-zeil ghazal jo aapke khaaS rang meiN kahi gayi hei bahut pasand aayi jiske liye meri dili daad aur mubaarakbaad qubool farmaayiye.

"ek sada aarahi hai kaano.n mei.n"
fikre shaitaan hai udaano.n mei.n

aaj nafrat hai khaandaano.n mei.n
aag kyu.n lag gayee makaano.n mei.n

bhai bhai ka hai banaa dushman
'umr kat'tee hai ab chataano.n mei.n

log jo kehtay hai.n woh karte nahi.n
hoga kaisay acar zabaano.n mei.n

fikr o ehsaas hai nah jazbah hai
zindah rehna hai murdah khaano.n mei.n

josh aur hosh dono.n kho baithay
kya bacha hai bhala jawaano.n mei.n

jaana firdaus hai agar haamid
baant'ta pyaar chal jahaa.no.n mei.n


Aapka MukhliS,
Nazir.

mohtaram abdullah nazir saahib
salaamun alaikum
aur ramadhan mubaarak

kaisay hai.n aap?

aapki purkhuloos daad aur mubaarakbaad hamare liye sanad hai mohtaram.bahut bahut shukriya aapka.

jazakallah
mukhlis
haamidbaaqri