Guzarish#55 1 Nov, 2013 ke liye taraHee miSra' pesh e khidmat hai mulaHiZah keejiye,
'terY Gesu to abhee aor pareshaaN honGe'
yeh misra' kuliyaat e Rais Amrohvi 1914-1988 se muntakhib kiya geya hai.
beHer kee is shakl ko beHer-e-ramal makhboon meHZoof maqt^ooa' kehte haiN. yeh beHer-e-ramal kee woh aaTh rukanee shakl hai. jis meN tarteebwaar faae'latun ke makhboon meHZoof maqt^ooa' Zahaaf ko baroo-e-kaar layaa geyaa hai.
afaae'il= faa'ilaa'tun…fa'ilaa'tun…fa'ilaa'tun …fe'lun
=2122.........1122.........1122........22
=/0//0/0.......///0/0........///0/0....../0/0
In arkaan ke pahle rukan ko "fa'ilaa'tun" istea'maal karne kee ijaazut hei aur Ghair-qaafiyah-band miSraa'oN ke aakhiree rukn ko "fe'lun" kee bajaaye "fa'ilun" istea'maal karne kee ijaazut hei.
Quwaafi, numayaaN, garebaN, HaeraN,HijraN, WaGhaerah.
radeef, hoNGe.
Ummeed kee jatee hai keh sabhee SaaHibaan-e-fan apne jaohor-e-qalam kaa muz^aahirah karte huwe dilkash GhazleeN takhleeq farma kar nah Sirf diye gae t^arHee miSra' ko Zindah-o-jawaid kareeN ge balkeh intez^aamiyah Urdubandhan ko mamnoon bhee farmaeeN ge.
mutamanni-e-shirkat
intez^aamiyah Urdubandhan