Twaayuf

[Brijinder]

I wrote this poem a long time back in 1982 but wanted to share it with you.This also reflects my antipathy towards hypocracy of our society.

Twaayuf


Tu bani kisi ghar ki zeenat
Main kisi kothay ki numaish
Tera khwaab hua haqeeqat
Rahi jhooti meri khwaahish

Aurat mujh main bhi thi,haaN,dafnaa di thi ziNda
Meri kahaani ki insaaniyat bhi ho jaayay sharmiNda

Meray khwaaboN ko sooli-e-wehshat chraayaa teray ghar kay mardoN nay
Meri majboori ko tamaashaa banaayaa teray ghar kay mardoN nay


MaiNnay bhi tha muhabbat ka pak chaman basaayaa
Meri hasrat bhi thi ki ho koi ik mera apnaa sa saayaa
Magar Pait ki bhookh kay sun kar naalay
Waheshi aankhoN ka sunharaa bharam khaayaa

Lay gayaa yeh mard tera dilaasaa day kar basti-e-ghumnaam main
Phir aayaay humdard aur kitnay,aashnaa karaa gayay is muqaam say

Ab har raat ki dulhan hooN
Har shub nayaa humbistar hai
Yeh to bus jaanay hai dil-e-bismil mera
Ki roz lubraiz-e- zehar nayaa nashtar hai

Tu nasoor-e-tehzeeb kahay mujh ko,main teri hi behan hooN
Bus tu rahi kismet ki ameer,main wehshat ki rehan hooN

Daikhay jo aurat mujhmaiN
To tu sharmiNda hogi
Aura a jaayay gar yeh jazbaa sub main
To shaayud insaaniyut zinda hogi

-----------------------