Akhtar Sheeraanee kaa aik waaqi'ah

Sache na qabil e faramosh waqiat
Post Reply
User avatar
yasir shah
-
-
Posts: 191
Joined: Mon Mar 14, 2005 2:17 pm
Location: karachi

Akhtar Sheeraanee kaa aik waaqi'ah

Post by yasir shah » Sun Apr 26, 2009 5:47 am

_____________________________________________
Akhtar sheeraanee urdoo ke mashhoor shaai'r guzray haiN , "Lahore" ke a'rab HoTal maiN aik dafa' "communist" naujavaanoN ne jo balaa ke zaheen thay Akhtar sheeraanee se mukhtalif mauZoo'aat par baHc ChaiR dee- is waqt tak woh dau bautalaiN chaRhaa chukay thay aur haush qaaim nah thay,tamaam badan par ra'shah t'aaree thaa -Hattaa keh alfaaZ' bhee TooT PhooT kar zabaan se nikal rahay thay , idhar "anaa" kaa yeh 'aalam thaa keh apay sivaa kisee ko maantay hi nah thay, jaanay kyaa savaal zair-e-baHc thaa , baulay ..
"musalmaanoN maiN teen shakhS ab tak aisay paidaa huvay jo har e'tibaar se "genius" bhee haiN aur kaamil.ul.fan bhee , pahlay abulfaZl, doosray Asadullaah khaan Ghaalib , teesray abul Kalaam aazaad......."


shaai'r woh shaaz hi kisee ko maantay ,apnay ham a'SroN ko bhee kamtar jaantay , dahriyoN ne Faiz ke muta.'alliq pooChaa ,t'araH day ga.ay , "Jaush " ke baaray maiN pooChaa "hooN haaN " kar diyaa, "SaaHir Ludhyaanvee" ki baat kee ,saamnay baiThaa thaa ,baulay , mashq karnay do, "Zaheer kaashmeeree" ke baaray maiN kahaa ,naam sunaa hay- Ahmed Nadeem qaasimee ? "mairaa shaagird hay !" -naujavaanoN ne daiKhaa keh taraqqee pasand taHreek hi ke munkir haiN to baHc kaa ruKh Phair diyaa , "HaZrat ! fulaaN paiGhambar ke baaray maiN kyaa khayaal hay ?" aaNKhaiN surkh ho rahee theeN, nashay maiN choor thay, zabaan par qaaboo naheeN thaa, laiken chauNk kar baulay: "kyaa baktay ho ? adab-o-inshaa ,she'r-o-shaai'ree ki baat karo"


kisee ne fauran hi Aflaat'oon ki t'araf rukh mauR diyaa , un ke mukaalimaat ki baabat kyaa khayaal hay ? Arast'oo aur Saqraat' ke baaray maiN savaal kiyaa ,magar usee apnay "mood" maiN thay baulay :"ajee , pooCho yeh keh ham kaun haiN , yeh Arast'oo ,aflaat'ooN yaa Saqraat' aaj hotay to hamaaray Halqay maiN baiThtay, hamaiN un se kyaa keh kaun thay "-


is laRKhaRaaee huvee aavaaz se faaidah uThaa kar aik Z'aalim qism ke dahriyay ne pooCh liyaa "aap kaa MuHammad (Sallallaahu a'laihi wa aalihee wa sallam) ke baaray maiN kyaa khayaal hay? "

Allaah Allaah , aik sharaabee jaisay koi barq taRpee ho , gilaas uThaayaa aur us ke sar peh day maaraa .............
"badbakht ! aik 'aaSee se pooChtaa hay! ,aik roo.siyaah se pooChtaa hay ! aik faasiq se kyaa kahlvaanaa chaahtaa hay ?".........tamaam jism kaaNp rahaa thaa , aikaa aikee ronaa shuroo' kiyaa hichkee bandh ga.ee...."aisee Haalat maiN tum ne yeh naam kyooN liyaa, tumhaiN jurrat kaisay huvee ? gustaakh ! bai.adab :baa khudaa deevaanah baash-o-baa muHammad(Sallallaahu a'laihi wa sallam) hoshiyaar: is shareer savaal par taubah karo , tumhaaraa khubc-e-baat'in samajhtaa hooN" --------------qahr-o-GhaZab ki taSveer ho ga.ay , us naujavaan kaa Haal yeh thaa keh kaaTo to badan maiN lahoo naheeN , us ne baat ko mauRnaa chaahaa , magar Akhtar kahaaN suntay thay, usay uThvaa diyaa, Phir khud uTh kar chalay ga.ay, tamaam raat rautay rahay , kahtay thay ......

.............."yeh laug itnay niDar ho ga.ay haiN keh akhiree sahaaraa bhee ham se Cheen lainaa chaahtay haiN , maiN gunah.gaar Zaroor hooN laiken yeh maujhay kaafir banaa dainaa chaahtay haiN"

...("mujhay hay Hukm-e-azaan")


in ke i'shq maiN Doobay huvay chand na'tiyah she'r mulaaHiZ'ah keejiyay:


agar ai naseem-e-saHar tiraa ho guzar diyaar-e-Hijaaz maiN
miree chashm-e-tar kaa salaam kahnaa HuZoor-e-bandah navaaz maiN

tumhaiN Hadd-e-a'ql nah paa sakee faqat itnaa Haal bataa sakee
keh tum aik jalvah-e-raaz thay jo a'yaaN hay rang-e-majaaz maiN

nah jahaaN main raaHat-e-jaaN milee nah mataa'-e-amn-o-amaaN milee
jo davaa-e-dard-e-nihaaN milee to milee bahisht-e-Hijaaz maiN


________________________________________________________

Post Reply